Point de PRESSE du leader du MMSD;

Amis de la presse bonjour,

Actualite du moment c Reforme electorale

.dabord mo ti va felicite PM ek toute lekip ki fine travay lor white paper et fine presente comme promi a la population.

.100% dimoune mari excite ki white paper fine dehor mai li amizan constater ki boucou dimoune demander ki ete sa zafer la?
Zot pa kone, zot pa compran, zot pa interresse…

.Azordi, GM na pena choix, ena lobligation divan la cour, Privy council ek Human Rights Committee des nation uni pou refaire ene recencement communal ou arête ca systeme best loser la.

.Nu tout pa dakor pou al konte different kominote dan pei.

.Au lieu konter combien fami pe rode travaillle, combien fami pena lacaze ou combien cas dengue ena dans pays nous bizin al konter combien hindu, kreol, misilman, chinois etc… sa nous tous d’accord li pas possible en 2014.

.Nou fine arrive dan ene l’impasse ek bizin amene changement dans nou systeme, li inevitable et pou bizin fer li abouti.

.Sa reforme pe proposer la, Li pas vraiement ene reforme en profondeur parceki li pas pe donne possibilite coze lor financement banne parti politik ek banne limites circonscriptions.

.domaz pa fine inclure financement bane parti politk dan sa white paper la. Li pa bien komplike sa .
.nek bizin enregistrer bane parti ek fer audit so bane compte tou le lannee, ler la va kone combien kas fine rentre dan la caisse, ek combien fine depenser ek ki lorigine kas la.

.White paper pe discute banne changements lors 3 points principalement:
1) declare communaute ek so Best Looser System
2) proportionnel parceki quand ena 60/0 ene parti ki gagne meme 26% votants pas ressi elu ene depute
3) combien madame pou gagne tickets

.Anou guette sa banne point la ene par ene:

1) Communaute ek BLS, nou dan MMSD nous dire fine arrive ler pou nous vivre couma nous hyme national dire, “ene seule lepep ene seul nation”.
.Anou croire dans nou, asse are communalisme dans sa pays la.

.mo penser azordi nou bizin kalkil en tant ki moricien et mo pa trop dakor kan mo tane dire ki bizin tel kominote pou defane so kominote.
.Kan to dan parlement, to ene elu du peuple et to bizin considere tou dimoune pareil.
.Guet coum mo meme, 3 fois mo fine elu dans 17 mo fine touzour aide tou dimoune pareil indistinctement.
.mo pas fine elu ziste are vote ene communaute.
MMSD dir non au komunalis donc pas de Best Looser System, pa de recensement et pa de declaration.

.Azordi mo embarrasse en tant ki ene leader, reforme proposer pe tire kominal dan constitution, pe vine zet sa lor ledo bane leaders. Reforme pe dire mwa, aster twa ki pou bizin al pick and choose dapre kominote. Pa facile sa. Sa v dire ki c moi ki bizin amene role kominalis la aster.

.Nou tou dakor ki nou system arkaique mais si changer bizin chanz pour le mieux.

.Bizin changer ek pas fer semblant changer. Pas jouer cache cache tir li ici mais mette li labas.

2)Proportionnel

Dan white paper la nou trouver kip pe propose 62 fptp et 16 proportionel. Pe rode augmente le nombre de deputé.

Mo pose moi ene kestion?

.Ki ou prend formule 62/20/8 proposer par mmm
ou 62/16 proposer par ptr,

10,20,30,40…depute en plus dans l’assemblee:
.Eski 10 depite en plis pou rempli ou lestoma sa?
.Eski 20 depite en plis pou resoud probleme logement?
.Eski 30 depite en plis pou resoud probleme somaz ?
.sa pa pou resoude problem linsecurite, vol, viol, incest, crime lor madame etc…

· C ki nou bizin dabord, c ki nou politicien nu bizin reforme nou lespri dabord.
· nu bizin reforme li dan ene facon ki priorite lepep bizin passe avant tout.
· nou bizin amene reforme ki pou cree lemploi, monte lakaz, loi sur la misere
.Ajordi, nu ti pe bizin ena ene debat national sur comment eradiker la pauvrete dan maurice, ti bizin vine propose “une loi sur la misère”
.Augmente qtee depite pa pou diminue problem lakaz ek lemploi. Sa pa pou sanz ou la vi sa

Aster mo pose moi ene lot kestion?

.Lor ki kriter bane leader pou base zot pou selection sa bane 16 dimoune ki pou nommer pou rente dan parlement la??

.Nou tou kone ki dan nou system actuel, candidat choisire lor proximite, popilarite, etc…
.Mais dan sa nouvo formule proportionel la, c leader ki pou choisir future depute ek folle pa tombe dan sa spiral kote mete fort gagne for.
.pou kapav ena bel tentation, nou pa kone…en tant ki ene leader, ene potential candidat a la proportionnel kapav debarque ek ene tante bazar rempli or million. Ki koner?? Ena kapav rode acheter bane leader.

.Aster kan leader poune choisir sa bane depite la, oule ou pale, c ene bane yes men ki pou a la merci du leader sinon dehor, pren la porte alle…
.Folle pa leaders vine diktater or sa bane depite proportionel la.

.Ene lot zafer or sa bane depite ki pour entre par proportionnel la, ki pou so committement envers electora??
.zot pena okene obligation, okene devoir enver electorat parce ki zot na pa fine plebiscite par electora ek zot meme pa pou kone electorat la. Nou tou kone ki travail ene depute li pa facile.

.Nou dir pas bizin proportionel parcequi nou pas le 2 qualites depute dans parlement. Pas de proportionnel. Pa de discrimination

.Astere ene lironie c ki nou pe encouraz transfugisme a kot depite elu pou kapav cross the floor ek bane ki lor proportionel non. Al kompran sa twa…

.Nous pas d’accord ki depute pou choisir par leader.
Eski Equal opportunity pas pou bafouer la. Ena travaille pour vine depute ena assizer dan salon ek nommer?
Couma dir boeuf travaille chouval manger.

.Aster si bizin competence en dehors de larene politik, MMSD redire bisin mette diboute une deuxieme chamber SENAT lerla kapav choisir bane top competence ki ena dan sa pei la.

.MMSD dire ki bizin garde nou 62 elu fptp ek laisse commission electoral en cas de 60/0 , choisir parmi 8 candidat ki fine perdi rentre dan parlement peu importe so communaute. Nou dire commission choisir 8 depute pour opposition base lor % de vote et non comunaute. Limportan c ene moricien kip e rented dan parlement.

3) Dan MMSD nou bien content ki a la fin pe mettre recommendation SADC en Pratik ek pou donne investiture au moins 30% madame. MMSD ti dir pour ki capave ena plus madame bizin mette la loi car pendant tout ca les temps la banne leader pas fine fer li.

pou conclure lor sa chapitre la,
.ptr ek mmm gagne 3/4 vote dan lassemblee.
Sa ve dire ki couma reforme passer, bane ti lapendice couma msm ek pmsd zot nate dan coup de vent.
· Mmm ne pli pou bizin msm tout comme ptr ne pli pou bizin pmsd.
.Mo konstater ki reforme dans sa forme actuel fine taylor made poubane 2 grand parti

.Nou pou revine lors tou nou banne proposition la en detail dans rapport ki MMSD pou soumettre avant 5 mai 2014.

. astere quelque autre point ki mo ti va kontan souleve:

. dan case sik yeun, equal opportunity, fine fer cuepipien passé pou bouffon. c’est ene mari eyewash sa commission la..
.Case sik yeun fine demontre que c ene bouledog sans dent donc nou fer ene appel a missier Glover vine au plus vite avec bane amendement afin ki sa equal opportunity commission la aret fer tax payers honter

.couma nou pe coze tax payers mo ti envi dir ki ban consultants ek banne firme bizin prends zotte reponsabilite en ce ki s’agi ring road. Ena la misère ds sa pays la nous pena droit fer gaspillage.

. au niveau politik, MMSD pe touzour consolide so bane lassise dan no 17,10 12, 4,20 et response bien serie lor terrain.

. MMSD pe travay lor so programme avec ene bane proposition revolitionnaire afin deradiquer une fois pour toute la pauvrete dans nou ti pei ek donne meme chance tous dimoune.

.Dan quelque mois, lassemblee nationale ape dissoude et au MMSD nou pou presente nou programme pour elections 2015.

Mo profiter pou souhaite ene Happy Ougadi a tous banne moricien en particulier banne freres ek soeurs Telegu

merci