Konferans de pres 21.09.12

1) Elektion minisipal

MMSD dire bizin fer elektion minisipal au plus vite.
MMSD pou fer lalians avec ban curepipiennes ek curepipiens.

MMSD pou met Kandida dan tou ward Curepipe donk 15 kandida.

MMSD vine propoze curepipien repran kontrol so lavil.

MMSD propoze curepipien ensam avek zot anou redres nu lavil;
Enn lavil mizikal akot misicien pou kapav epanoui
Enn lavil sportive akot tou sportif pou kapav epanoui
Enn lavil prop ek saine
Enn lavil en securite kot nu zenfant ek madame kapav vive en paix
Enn lavil kot fer bon viv
Enn lavil kot nu bane artizan pou kapav expose zot bane don
Enn lavil touristik
ENN LAVIL LALIMIER kote sak curepipien pou ena enn role ek partisip dan zestion lavil.

Nu slogan: “ENSAM NU KAPAV” ek ” OU VIZION SE NU VIZION”

Foire artizanal ouvert 7/7
Marsan anbilan; ensam bizin truv solision pou tou
Libreri ouvert 7/7
Zimnaz ouvert 7/7
Renovasion hotel de ville (sekter prive)
Sant minisipal ouvert 7/7
Relance tou sports
Met komite avek abitans
Hot line pou ban abitant ek website kot explik tout service…

Nou pou rane piblik nous program complete tres bientot et nou souhait ce ki ensam avek bane curepipiens, nou develop nou la ville

2) Reform elektoral

• MMSD ena ene la porte sorti pou aret patoz dan bane
konsiderasion kominal.

• RESANSMAN

MMSD kontre sa system nazi la. Nu pli bizin kone kombien somer ena dan pei, kombien viv en bas nivo pauvrete… ki al kone kombien blanc, creole, chinois, hindu, tamil, telegou, marati, musulman…ek nou kontan trouve ki boukou dimoune kontre.

Ile Moris bizin alle devan ek pas refer resansman kominal.

• BEST LOOSER:
MMSD conte sa zistwar la.
“ene sel nation, ene sel lepep, ene sel bondie..”
62elu fptp, li ok
Ki fer bizin azout depite??

Encore 20 lor proporsionel plus 8 best looser, li pou fer ou 90 depite, kot pou mette zot?

Place meme pena, ena ziz 86 seats dan parlman actuel.

Biento pou dire ou bizin kraz lasanble-lezislativ ek monte ene nouvo lasanble alor ki pei dan difé.
20 depite en plis pa pou tire pei dan criz, pa pou rempli ou lestoma, pa pou kree anplwa.
Moris zordi ou ena 70 depite pou 1.3 m abitan donk 1 depite pour 18,500 morisien.

La france ena 577 depite pou 65 million abitan li fer ou 1 depite pou 112,000 abitan.
Linde, plu gran demokrasi au monde, ena 543 depite dan lok sabha pou 1.2 milliard abitan, donk 1depute pou 2.2m habitants. (1depite pou 2 fois la popilasion moris)

Nu mem pei kote pli for ratio depite par abitan.

Fode pa nu exazere, 62 depite li asse pou reprezant la nation dan parlman.

PA parceki mo apel Eric ki mo pa kapav reprezente Anil ou iqbal dan parlman.
PA parceki mo apel Amoy ki mo pa kapav reprezente Mario au parlman etc…
Nu tou moricien…

Se ki nu pei bizin zordi se bane KONPETANS/EXPERTIZ ki pa obligatwarment politicien(pa ve dire ki politicien pa konpetan…) ek non pa augmente kantite depite.

• SENAT: sa meme sa la porte ki pou fer nu sorti dan sa embriglio kominal la.

*MMSD dire que locasion la pou met ene deuzieme lasam(SENAT) ek bane patriote ki fine prouve zot expertiz dan zot bane domenn.

*SENAT importan pou kontrol aksion gouvernman.”

Mo fine poze bocoup kestion dan parlman lor sa zafer senat la ki ene must pou pei avanse.

-Au lieu nome enkor 20 ti kopins lor proporsionel bazer (ou le ou pale) lor kominal, MMSD dir, rode 20 meyer KONPETANS sa pei la dan lasante, lekonomi, sosial, lanvironnman, lindistri, devlopman dirab.

_Pa bizin plis ki 62 depite pou nou ti lile moris.

*MMSD dir ene SENAT ene deuzieme lasam avek 20 manb (10 madam, 10 zom). Ene lokasion done valer bane madam ek demokratise politik sa pei la.

*Bizin sa SENAT la ena pouvwar met bane komision denkete couma deor fer.

*Seleksion bane senater bizin fer par ban profesionel independan ek non par bane politisien.

*Senat proteze kontre ban abus ek veye droit bane morisien.

• FINANSMAN PARTI POLITIK
Pou reforme elektoral, personn na pa koz lor finansman parti politik. Bocou kestion mo pose PM dan parlman ek line touzour dir ki sa pou vini dan reforme elektoral. Anou fer li konfiance.

Bizin Meritokrasi ek konpetans zordi zour.

MMSD pa ene parti tradisionel me avan gardis.
MMSD get lavenir.
Apre printan Arab, nou pou gagne lete morisien. Lepep pou leve pou so droit dan sa pei la.
Bane konservater komunalo-passeiste pou bizin adapte avek nouvo ile moris ki ape emerzer.

3) PRB mizerable

Nou bizin fer zefor ek aret gaspiyaz 5 milliards ler la va capav gagne ene meyer PRB konpasion. Nou demann bane kamarad fonction publik fer ene zefor en plis diminie gaspiyaz pou kapav redistribie li.

4) LABANK
MMSD fine depoze so rapor pou ‘Task force Banque de Maurice “ ek ti a kontan zot konsider nu bane propozision dan lintere lepep sa pei la plu vit posib. La bank bizin aret fer dominer or lepep sa pei la

5) DROGE
Kan mo ti pozse Kestion parlman lor la droge pou mette commission denket,  repons PM ti “Quand le besoin se fera sentir…”
MMSD pe dir ki ler fine arive ek depas aster.
Nou felisite “Anti Drug Smugling Unit”.
MMSD dir ki “mieux vaut prevenir que guerir’.
Kas ki fin sezi avek ban trafikan la droge bizin met dan ban lekipman sofistike pou ki la droge pa rantre dan pei.
Peye bann dimounn ki done linformasion.
PM bizin montre so volonter pou lager kontre sa krim ki pe detrir nou pei.

MERCI BANE KAMARAD